A Glesca Wean's Hogmanay!!!

This poem was sent to me by a good friend, it appealed to me as it is 'typical' Scottish language, this is how I remembered New Year and what my Mum used to do.  She cleaned everywhere until it was gleaming that you could see your face in everything.  I am sure there will be a few people who will recognise what is said in this poem and it will bring back many memories.

Thanks Shaz for reminding me of 'days gone by'.

A Glesca Wean's Hogmanay

Sittin in mah goonie Face scrubbed well

Ma sister therr beside me,  We’re waiting fur the bells.

Aw day long been cleaning oor wee singel end

Mammy gien oot orders drives us roon the bend

Mammys oot the windae sitting oan the sil

Washing aw the windaes Me hoping she disny fall

Jessie’s cleaning the fireplace It wiz ma Mammy’s bidding

Ahv been telt tae get the pail And take it tae the midden.

As the time it passes there’s excitement in the air

And Mammys oan her hunkers Scrubbing at the flair.

Come oan yous two she cried "It’s time tae HIV yir bath

So intae the sink WI baith o yiz Furra thorough scrub and wash".

Underneath yir oxters She scrubs WI a wrung oot clootie

Wi aw that durt thit’s in yir ears Ah could grow a sack o totties

Oan WI yir simmit and knickers Yir Liberty bodice anaw

Wi wurr winceyette goonies She says, "yiz baith look braw

Get oot mah road the perr of yous. It’s nearly hauf past nine

Ahll hifty soart the steak pie noo. Urr it’ll no be ready in time".

We know it’s getting near the time When ma Ma gets the table oot

There’ll be shortbreid, bun and ginger wine Of that there is nae doot

We urr shoved in tae the recess bed Tae keep us oot the wiy

And Mammy turns the gas doon Oan the, smellin lovely, pie.

The peas urr in the pot Overnight, they’ve hid a steep

The totties oan the gas ring, they’re oan a wee wee peep.

Ma Mammy takes her rollers oot and powders up her nose

Her good froack oot the wardrope and her shoes WI the peepy toes

.She wiz up afore us And hisny stoapped aw day

Bit noo she’s looking beautiful And New Year’s on the way.

It’s five tae twelve already White Heather oan the telly

Singing songs of Scotland The Teucheters and the Keelies

The tummlers urr oan the sideboard Fruit cordial fur Jessie and me

A wee dram fur Ma Mammy She deserves it, ah hope yiz agree

She opens the auld sash windae Tae bring in the New Year

And oan the stroke of midnight The Ship’s horns we could hear.

Ma Mammy’s started greeting and raises up her gless

Toastin aw the folk no therr And asking God tae bless.

Efter cuddles and kisses the letter boax is tootin

That’ll be Uncle Peter He’s oot therr daen furst footin.

Tall and dark and handsome Wi whisky and coal in his haun

Wi slicked back Herr and shiny shoes And his good suit oot the pawn.

We aw sit roon the table Tae eat oor pie and peas

Then clear away the dishes Furra sing-song, if you please.

Aunty Nellie sings aboot water And how it’s aw a roon

Uncle Charlie diz his Frankie Laine Singing aboot high noon.

The party’s gaun great guns Tae Maggie raises her haun

Och ahm away up the road noo Coz Erchie’s sung mah song.

Jessie and me urr tired noo Like the cat that goat the cream

So it’s us intae the recess bed To sleep, perchance tae dream.

If any of this is familiar tae you This New Year of days gone by

The memories of they great times Brings a wee tear tae the eye.

HAPPY NEW YEAR TO ALL MY BLOGGING BUDDIES

THANK YOU FOR STICKING BY ME EVEN WHEN I AM NOT PRODUCING CARDS AT THE MOMENT.

IT MEANS SO MUCH TO ME TO HAVE YOU BEING BY MY SIDE AND 'GEEING' ME ALONG TO MAKE MY CARDS AGAIN, IT WON'T BE LONG NOW BEFORE MY FIRST NEW YEAR CARD APPEARS.